E serie “Subete a mi moto” lo intenta di hiba fanaticonan na e epoca di e decada di 1980 y 1990 cu un historia yena di nostalgia y ilusion resultado di e potret audiovisual di e fenomeno musical Latinoamericano Menudo, cu lo estrena dia 9 di october riba Amazon Prime Video.
“Subete a mi moto” ta nostalgico, ilusion, dolor, decepcion, dibersion y, vooral, ta un soño haci realidad,” Yamil Urena ta comenta na Efe, kende ta interpreta Edgardo Diaz, un di e rolnan principal di e serie y e homber, cu den bida real, a crea e concepto di Menudo.
Despues cu e productor Mary Black a caba di haci e serie “Hasta que te conoci” (2016) di e icono di musica Mexicano Juan Gabriel, el a sinti cu e no por a haya un storia mas interesante cu esun di dje y a renuncia na e historia di solistanan.
Asina el a cuminsa cu un biahe bastante duro di investigacion riba agrupacionnan te ora cu el a yega na Menudo, un banda cual concepto a consisti den sistema di rotacion di mucha y hobennan cu e paso di tempo pa mantene e aspecto infantil y fresco den e banda.
E publico por mira e parti mas humano di e muchanan ey, entre cual por a haya e superstreanan Ricky Martin, Draco Rosa of Johnny Lozada.
