Lo bay tin dos urna ambulante cu lo reforsa e demas urnanan

Tin urnanan special. E aña aki tin 72 urna y 2 urna ambulante, cual ta bijzonder stembureau A y B. E bijzonder stembureaunan, ta urnanan ambulante cu ta pasa KIA, warda di polis Santa Cruz, warda di Polis Noord pa e hendenan cu ta prezo, por ehempel, pero cu ta parti den un urna, por ehempel. Un persona ta biba na Paradera, e ta wordo ingedeeld den urna 32, pero el a cay cera. E ora esey ta nifica cu e ta bay vota den KIA. Pero e tabata ingedeeld na urna 32. E votonan ey ta loke ta votonan di bijzonder stembureau A of bijzonder stembureau B, segun director di Censo, Sharin Luydens.

Confirma

Si por yega warda, por haya un hende cu ta cera, cual ta cera un dia anterior, no tabata sa cu e tabata cera. Por ehempel na SABA, tres casnan di anciano, sa cu tur hende cu ta eynan. Nan ta marca den e kiezersregister, cu ta na SABA nan ta vota. Nan ta marca cu un colo. Ni si bo presenta na e urna, bo no por vota eynan. Bo ta vota na SABA. Na hospital tambe, tin tur hende marca. Na e wardanan di polis tambe. For di un dia anterior, ta compila tur informacion, ta match’e cu e registro y sa cu ta eyden cu tin cu vota y na ningun otro urna.

Por ehempel ta haya e informacion na hospital un dia prome, anochi ta draai e kiezersregister, pa pone den cada urna. E ora den hospital so bo ta vota. Y si bo sali for di hospital e dia ey for di hospital, bo no por vota den e urna cu bo ta apunta na dje, pasobra na hospital bo ta vota. Esey ta e control cu tin.
Cuanto tempo sa tuma

Ley ta perscribi cuanto tempo nan tin. Por ehempel na KIA tin minimo di un ora. Bijzonder Stembureau ta sinta di 8 pa 9 na KIA. Despues ta bay over na warda di polis na Santa Cruz y asina ta sigui den transcuros di dia y na hospital nan ta sinta minimo di 3 ora. Na e casnan di anciano tambe na Centro di Cuido, for di 8’or di mainta pa 11’or, y asina ta sigui pa Huize Maris Stella, djey pa San Pedro Paviljoen y St. Michael Paviljoen.
Diferente team

Tur urna ta ekipa cu votadornan cu a haci nan mes voluntario na e urna. Pa traha na un urna, bo mester tin e derecho di voto y tambe ta wak pa cual ta e presidente, ta scoge por ehempel personanan cu a traha basta aña caba na e urnanan y tin un experiencia amplio. Pa e otro miembronan, tin hendenan nobo, tin algun cu a traha na urna pa varios aña. Ningun di e hendenan di urna ta trahadonan di Censo.
E proceso pa pasa e diferente luganan

Tin dos team. Nan ta dos stembureau. Cinco miembro pa bijzonder stembureau A y cinco miembro pa bijzonder stembureau B. Nan ta pasa na e stembureau A, cual ta KIA, warda di polis y hospital. Bijzonderstembureau B ta esun cu ta pasa na e casnan di anciano. 
Ki ora lo cuminsa move mes

Di delanta, tur stembureau su infrastructura mester ta cla. Segun Luydens, nan ta prepara tur material di urna. Di stembiljet pa gum, potloot, slijper, proces verbaal, envelop, kico cu por pensa, ta prepara tur e detayenan di tur e urnanan y e presidente ta bin busca esey e dia di eleccion mainta tempran, na Censo.

Censo mes ta cuminsa di marduga. 
E otro departamentonan

Loke DOW ta haci pa Censo, ta richt in tur e urnanan. Ora cu papia di inrichting, ta papia di e stemhokkennan. Ta papia di e mesa, e stoel, e potlood, slijper cu tin mester pa e potlood, e luz, e tapamento di e bentananan di e stemlokaalnan, prepara tur yabi. Esey ta loke DOW ta haci. Prepara e inrichting di e urnanan.
Slides

Ta bay tin tres slide disponibel riba e dia aki. Un di e slidenan ta pa cada urna. E ta keda cambia, te ki urna a drenta y cuanto urna falta. Pero ta bay tin otro dos slide tambe. Ta bay tin un slide cu ta bay keda permanente, cu ta e cantidad di voto total cada biaha y tambe ora e yega un x cantidad di urna, e ta bay cuminsa haci un proyeccion tambe, di kende probablemente lo ta hayando e restzetel. Si haci e calculacion di grootgemiddelde, cu ta perskirbi den ley cu ta duna restzetel, mas voto bo tin, mas ta e chens cu bo ta haya e restzetelnan.