Lizie Webb cu cantica di inspiracion den momentonan dificil

Lizienne Webb, miho conoci como Lizie, a bin cu un cantica pa inspira tur hende y su cantica ta “Niño scucha mi oracion.” Lizie su cantica ta basa riba e tempo dificil cu tur hende ta pasando den dje. Esaki ta tempo pa reflexion, oracion y un cos cu e ta haci hopi oracion na Niño Jesus pa yuda Aruba, pero henter mundo p’e situacion aki.

Pa por a graba su video clip, Lizie y tur cu a yud’e a bay diferente manera Rodger Beach, Alto Vista, Misa di St. Cruz, patras di Faro y hopi mas. E mester a ripiti su cantica cuater pa cinco biaha pa por a haya esun bon. Ryan Loepstok y Verushka Krozendijk a yuda Lizie cu su cancion. Den e video clip Lizie su mama ta den dje, pero tanto Krozendijk como su mama a acompañ’e den studio.

Lizie Webb cu cantica di inspiracion den momentonan dificil

Lizie Webb cu cantica di inspiracion den momentonan dificilClick link pa mas: https://24ora.news/39CcJo5

Posted by 24ora on Thursday, December 3, 2020

Lizie ta un persona conoci den e mundo di dande y e ta reina di dande den su categoria. E aña aki Lizie ta bay defende su corona. E tin su cantica di dande y pa train esaki. Lizie a conta cu el a cuminsa haya les cu 5 aña di Edseline Figaroa, pero cu su 6 aña el a cuminsa participa den diferente festival. Tambe el a participa den competencia cultural, cual e ta e Chikitin Folklore y Chikitin Sonrisa.

El a haci diferente promocion pa su cantica “Niño scucha mi oracion” y tur dia por scuch’e na radio. No solamente aki na Aruba por scuch’e, pero Corsou y Boneiro tambe ta promove Lizie su cantica. Danilo Vrolijk a composita e cantica, mientras Markis Maduro tabata areglista di e cantica.