Pa hopi tempo caba e marca Victorinox/Swiss Army a puntra Little Switzerland e oportunidad pa amplia loke nan tabata bende caba, cual ta holoshi pa hende homber y hende muhe.

E peticion tabata pa inclui tur loke ta e travel gear di e marca Victorinox/Swiss Army.
Despues di un tempo combersacion, a amplia esaki y awo e ta un realidad cu tin e travel gear den e tienda di Little Switzerland den Royal Plaza. Ta yam’e e lifestyle di shop in shop concept.

Little Switserland a introduci su liña nobo Victorinox na un manera festivo

Little Switserland a introduci su liña nobo Victorinox na un manera festivo

Posted by 24ora on Friday, November 22, 2019

Nathaly van Trikt, marketing manager di Little Switzerland, durante e lansamento oficial aki cu a tuma luga diahuebs, a splica cu nan ta hopi contento pa tin esaki na Aruba, pasobra ta prome den Caribe cu ta celebrando. E ta algo grandi pa celebra esaki cu e pueblo di Aruba.

Seleccion amplio

Awor aki nan tin practicamente full e liña di Swiss Army. Itemsnan cu no tin semper por ordo esakinan. Awor aki tin e opcion cu si bo kier algo riba e website, por cumpra esaki na Little Switzerland.

Van Trikt tambe a comenta cu Victorinox tin henter e coleccion ehecutivo unda e likeness y mester ta practico. E mester ta compacto cu e por toch por pone algun dia di paña den un maleta chikito. Pero tambe pa e biahero comun, tambe tin tur e asecorionan cu bo por charge bo celular via bo maleta.

Apart di e maletanan tambe, tin tur loke ta e backpacks, e asecorionan di biahe. Manera si bo ta biahando cu likido, bo por hinca nan den e compartimentonan special, cu bo por ta sigur cu lo bo no tin accidente cu nan den bo maleta y un sin fin di acesorio. E invitacion pa un y tur bishita Little Switzerland pa wak e coleccion completo di Victorinox.

Antes Little Switzerland tabata conoci pa e coleccion di pocketknives den caya grandi. Un biaha mas nan ta ofrece esaki na pueblo di Aruba. Por pensa tur sorto di pocket knife, for di e Wine Master cu ta habri boter di biña y corta keshi, como tambe esnan cu ta traha den departamento di emergencia cu por uza esaki. E piscado tambe por uz’e y pone den su tas pa pisca. E uzo pa e diferente pocketknifenan ta specifico y esey tambe ta hay’e na Little Switserland.

Comments

comments