Lito Lacle: Caso candela di Scol Cacique Macuarima tin prioridad

1711

Scol Cacique Macuarima a pasa den un situacion hopi penoso y sigur e ta un sla pa enseñansa. Vocero policial, Lito Lacle a conta un poco di e sucedido y kico a pasa awe marduga.

Tabata un tiki despues di 12’or cu melding a drenta via Central, cu algun local na scol Basico Cacique Macuarima tabata na candela.

Mesora patruya a bay na e sitio y despues brandweer a bay over na paga e candela. Departamento Forensico tabata buscando marcanan laga atras pa yega na kende of kendenan a comete e hecho castigabel aki.

Lito Lacle (KPA): Caso candela di Scol Cacique Macuarima tin prioridad

Lito Lacle (KPA): Caso candela di Scol Cacique Macuarima tin prioridad. Click e link pa mas https://24ora.tv/2QR357p

Posted by 24ora on Monday, January 13, 2020

Un team special

Lacle a splica cu tin e team tactico, cu ta envolvi den e investigacion. Si mira bon, na e luga di delito, departamento forensico ta esun di mas importante cu tin cu bin cu e spoornan pa mara esaki na esun cu a comete e delito (suficiente) pa Ministerio Publico duna ordo pa detene nan.

Indicacion

Den e caso di Scol Cacique Macuarima tin mensahenan cu a laga atras, linea recta contra enseñansa pero tambe contra polis. Segun Lacle, e mensahenan aki no ta bisa nada. E cos di mas importante ta cu awe cuater klas por lo pronto no lo tin les  na e scol. Esey ta loke cu ta dal mas duro.

Nan no a daña Cuerpo Policial, sino cuater klas di por lo menos 20 mucha den cada klas, strobando nan pa nan haya nan lesnan necesario.

Un cos tin cu tene cuenta cu normalmente ora haci investigacion asina, ta pone man riba e malhechornan. Un ke otro manera nan ta haci fout y ora nan haci fout, nan ta pone man riba nan.

Si pueblo di Aruba tin informacion, por yama tiplijn libremente. Polis ta trahando duro riba esaki mescos cu tur otro caso. Pero awor aki e caso aki tin prioridad. No por permiti esaki, ni como cuerpo policial ni como ciudadano di pueblo di Aruba, e delito aki keda sin wordo soluciona.

Tiplijn ta 11141, laga e informacion mas completo posibel atras, di manera cu polis por haci investigacionnan necesario cun’e.

Dicon

Dicon ta mira polis como enemigo y ora cu nan comete nan acto ta laga mensahenan linea recta contra polis, ta algo cu lo bay puntra nan. Ta mira e problema principal, si tin problema cu scol lo causa daño na un warda di polis. Pero den e caso aki a causa daño na un scol y ta pensa cu e problema ta cu scol. “Pero un cos ta sigur, polis lo bay dal man riba nan.”

Investigacion andando pa candela intencional:Cuater klas di Cacique Macuarima a sufri daño

Posted by 24ora on Monday, January 13, 2020

Con lo maneha e situacion

Tin un jeugdstrafrecht defini cu ta specifica e edadnan cu un sospechoso por tin y ki tipo di castigo por impone. Na ki edad por bay cera of ki otro castigo por impone. Si KIA no ta suficiente, por ta un luga manera OC lo ta bon pa keda aden pa cierto cantidad di tempo.

Problema cu hoben

Problema mental y problema social ta hopi grandi, segun Lacle, bou di hobennan. Aña pasa Cuerpo Policial a duna mas di 170 charla. Cuerpo Policial tin hopi bon contacto cu Scol Cacique Macuarima. Nan ta duna charla dos pa tres biaha pa aña na e scolnan aki.

Mas feedback ta haya di docentenan y director di scol. Esey ta e dos problemanan cu ta resalta, segun Lacle.

Ta duda cu e muchanan mes a causa esaki. Aunke no por descarta si ningun posibilidad. Investigacion si lo bay mustra precies ken a haci esaki.

El a finalisa bisando cu deber como mayor ta cu si nota cu e yiu probablemente lo tabata envolvi den algo asina, pa tuma contacto semper cu Cuerpo Policial. No laga te ora e investigacion yega prome na e yiu pa detene.

Candela na Cacique Macuarima School

Candela na Cacique Macuarima SchoolClick link pa mas: https://24ora.news/2shQ8d6

Posted by 24ora on Sunday, January 12, 2020