Lista di Minister y Parlamentarionan no ta berdad

Manera ta custumber di algun politico, ta aplicando e formula di tira un blaas den halto pa mira unda e ta bay rementa. Esey ta precisamente locual un di e partnernan den e coalicion MEP, POR y RED ta haciendo door di manda mensahenan di Whatsapp cu posibel formacion di Gobierno. Nos a haya confirmacion di Formador cu e lista NO ta berdad. El a sigura cu ainda no a yega asina leu den e negosacionnan.

Den e lista ta haci comosifuera cu a aumenta e cantidad di Ministerionan na 8 enbes di 7. Tambe ta mustra cu Chris Romero ta keda for di Conseho di Minister pero lo uza Arthur Vallejo como Minister di Salud Publico. A postula Rudy Lampe como Minister di Enseñansa, Otmar Oduber como Minister di Labor y Deporte mientras cu Andin Bikker lo keda encarga cu Husticia.

E forma aki di purba “bende” un idea no ta funciona mas den e era moderno aki. Specialmente si analisa kendenan ta mandando e “app” rond, ta mas cu bisto ta for di cua skina e “rumor” aki ta saliendo.