“Unda mi por inverti e proximo dies aña cu mi por mas impacto y mi por ta mas efectivo pa mi pais,” ta loke cu Lisette Malmberg a indica den un mensahe pa pueblo.
E ta sigui bisa: “Mi pasion no a cambia. Mi mensahe no a cambia. Sinembargo mi ta realisa, bo ta mira hasta partido politico nobo cu a drenta gobernacion cu por ta tabata duna hopi promesa. Pero desafortunadamente ora cu drenta den e mesun sistema y si e meta ta poder, si e meta ta esey, enbes di cambio real y profundo, e ora ey bo ta bay haya bo mes tambe den e cas bieu,” ta loke cu el a menciona.
Tambe Aruba tin un sistema politico cera, el a menciona. Cu esey Malmberg kiermen cu ta dificil pa un hende hoben drenta zomaar den politica. “No ta zomaar bo ta drenta.” Bo mester acceso na capital.
El a indica cu nan mes como PPA tabatin dos luna y mey pa core cu hopi cos pa drecha den tiki tempo. Sinembargo e ta por lo menos un campaña normal ta costa entre 400 y 500 mil florin, cual t’e realidad.
Na Hulanda y hopi otro pais tin un sistema hibrido, caminda cu gobierno ta yuda partido nobo pa por drenta mercado. E ora ey ta causa cu tin potencial, tin candidato, tin talento politico nobo cu por drenta e sistema politico.
Esey no t’e caso na Aruba y ta hacie hopi mas dificil pa por haci esey. Speransa di Malmberg ta cu lo tin otro cu tin por ta 20 of 30 aña mas hoben cu ne mes, cu lo tin e gana, cu lo tin e ‘longevity’ (e tempo pa warda) y pa traha n’e cambionan cu ta necesario.
Pa mas detaye lesa TREMPAN.
