Diasabra, 7 di december, Ling & Sons lo ta habriendo su food buffet nobo. Ta algo cu semper tabata hopi popular y ta hopi contento cu por a recrea esaki. Un luga hopi mas amplio pa un y tur bin busca nan cuminda cayente, nan salada na Ling & Sons manera custumber.
E area aki ta completamente renoba, hopi moderno y high tech. Tur hende ta cla pa sirbi e cuminda traha na Ling & Sons mes. Tin un team hopi dedica y pa e motibo aki mes diasabra ta bay ta celebrando apertura di esaki.
Riba menu tin e platonan di custumber di Ling & Sons, esta cuminda casero. Tin un team dedica ta bin mainta tempran p’asina nan por cushina, uzando di mes e ingredientenan mas fresco di Ling & Sons pa bo haya cumindanan crioyo. Pa diasabra tin keshi yena, calacuna, tambe otro tiponan di cuminda manera chow mein. Ta cumindanan basta varia unda cu por busca y asina semper haya lo mas fresco pa bo come pa bo cuminda di merdia y e cuminda semper ta disponibel for di 11’or y mey di merdia te cu atardi 5’or.
Tur hende cu ta trahando of b’a caba di traha y no tin tempo bo cushina, bo ta cordialmente invita pa pasa na Ling & Sons, bin check e Food Court Corner. E ta luga tambe pa esnan cu ta gusta salada y soppi.
Pa esnan cu kier desayuna, lo tin papa Quacker. Quacker ta lansando un programa special pa mainta cu por haya papa mainta. Y asina lo ta ampliando pa ofrece mas y mas tipo di cuminda y mas grab and go options.
Asina cu bo busca bo cuminda, salada of soppi, bo por yega na un stacion di un variedad grandi di bebida friu cu bo por bebe.
Loke abo mester sa
Manera bo drenta Ling & Sons, bo lo mira e sign caba cu ta bisa “Hot Food Right Here”, net pasando e Customer Service y prome cu bay direccion di e cahanan, lo bo haya e bunita Hot Food & Salad Corner.
Bo ta mira kico bo kier come, piki bo cuminda. Tur cos ta cla pa diasabra sirbi e miho variedad di cuminda casero p’abo y despues na final bo ta yega y bo ta bay haya e cahera amabel. Ta bay tin dos station di caha p’asina bo paga bo cuminda di biaha. Asina aki bo ta grab and go, bay di biaha cas pa sinta come, of tambe tin un area di come, cual ainda no ta cla. Ta parti di e proyecto tambe di renobacion.
Tambe tin loke ta e stoelnan temporareo bao di e dome of entrada di Ling & Sons, unda un y tur por sinta y come y disfruta manera nan ta custuma na Ling & Sons.
Ademas di cuminda cayente, ta bay tin tambe un salad station. Tin e area grandi di Hotfood pero tambe lo tin e area grandi di loke ta Fresh Salad, home made salads oleifi, soppi tambe ta bay ta den e area aki.
Bo ta bay haya un area completo di loke ta cuminda fresco fresco casero, saludabel, pa asina aki bo por bin come na Ling & Sons.
Temporada di Pasco
Ling & Sons ta conoci pa e temporada di fin di aña. No solamente cu e campañanan cu nan ta haci. E aña aki nan tin un gran campaña, unda cu ta regalando 11 yabi di oro y solamente un di e yabinan aki ta bay habri e porta di e Ford Figgo nobo nobo.
Aki por participa cu cada compra di 50 florin na Ling & Sons of cumpra di e marcanan participante manera Heineken, Coors Light, Badia, Air Wick, Kim Crawford, Friesse Vlag, Fricco, Old par y tambe Johnnie Walker entre otro.
Ta marcanan cu cumprando na Ling & Sons bo por participa pa gana e auto. Tambe nan tin nan oferta di Tefal. Ta panchinan di calidad hopi halto, unda cu cada compra di 20 florin di Ling & Sons, bo ta colecta un sticker, yenando asina cu 7 sticker, ya caba bo por cumpra planchinan di calidad aki na un prijs sumamente barata.
Mas bo spaar na Ling & Sons, mas chens bo tin pa cumpra e panchinan aki na 50% di descuento mes.
Apart di esey tin nan bunita buki di Pasco, esta nan revista, unda cu di mes tur aña ta presenta tur special. Bo ta haya e opening hours, e ofertanan di siman, manera 20% di descuento riba fruta y berdura tur diamars. Tur diamars ta 20% riba carni.
Ta haya demas specialnan cu tin, full luna di december. E ta disponibel den tienda of b’a ricibi’e na bo cas, of bo ta bay riba lingandsons.com. Ta click riba e magazine y bo ta mira tur e bunita specialnan cu Ling & Sons tin. Nan ta mas di 100 special y ta valido full luna di december.
Un y tur, probecha, busca bo revista di Ling & Sons, caminda bo por haya e miho specialnan.
Evento special
Ta invita un y tur pa asina bin celebra diasabra. Ta start pa 11’or y mey cu cortamento di cinta. Bin pasa wak e area nobo, e hot Food Buffet court nobo. Si bo ta bin pa cuminda cayente of mira kico tin di salada, bin y celebra hunto cu Ling & Sons y mira tur e cambionan positivo cu Ling & Sons tin.
Tin vloer sumamente bunita y nobo. Tin tur area cu ta renoba y tin bakery tambe nobo. Hopi mas amplio y asina por sigui menciona.
Asina ta, bin bishita Ling & Sons Food Market y laga nan sirbibo e miho calidad, servicio y prijs cu bo ta custuma cun’e.
Tambe durante e apertura aki di e Food Court, lo bay tin ambiente navideño cu Gaita. No perde e chens aki, awo cu Sinterklaas a pasa, habri oficialmente bo temporada di Pasco na Ling & Sons cu apertura di su Food Court nobo.
