Diamars tabata tin e celebracion di Himno y Bandera rond Aruba. Un di e luganan cu hopi hende a yega tabata Linear Park. Sinembargo, despues cu tur hende a bandona e sitio aki, hopi ta esunnan cu no a bay cu nan cosnan y a laga esakinan benta abou.
E situacion na Linear Park despues di 18 di maart ta uno desagradabel. Unda cu para na Linear Park ta sushi so por mira. No ta solamente foambox tin tira, pero tambe diferente boter di alcohol sea ta kibra of no, como tambe diferente boter di plastic, bleki, saco di ijs laga atras.
E sushedad cu tin riba Linear Park ta uno basta fastioso, pasobra na momento di haci ehercicio, por trompica y cay den e cantidad di sushi laga atras. E cantidad di sushi laga atras ta grandi.
Pregunta cu ta bin dilanti ta, ken ta su deber di haci e sushi limpi. Sea ta e clientenan mester tene tur cos limpi of e hendenan cu ta bishita Linear Park anochi y ta laga e sushedad atras.
Tin yen baki di sushedad, pero hende no ta respeta esaki. Hasta baki di sushi di esunnan cu ta opera negoshi na Linear Park a bay over.
Pa mas lesa TREMPAN.COM.
