En conexion cu celebrando 41 aña di aniversario, Lillyputters ta tene nan famoso eleccion di reina cu nan muchanan. Tur aña e juffrouwnan di Lillyputters ta decora e stage bunita, pero tambe tur presente ta gusta con ta premia y corona e reinanan.
E aña aki 8 princesita ta competi pa mira kendenan lo bira e reina di carnaval di Lillyputters, mientras cu 8 prins ta competiendo pa bira e joker.
E participantenan ta Dennise Oduber y Terrence Williams, Diva Quandus y Caleb Croes, Isabella Solagnier y Jerrson Bislik, Jayxianne Rodriguez y Jacob Croes, Jayzianne Theodora y Brandon Ponson, River-Lynn Fowler y Elias Arends, Aliyah Thiel y Ethan Malmberg, Amy Leah Ibrahim y Kai Croes. E muchanan ta bon prepara y ta cla pa subi e stage pa deleita tur hende.
Juffrouwnan y muchanan di Lillyputters ta invita Aruba henter pa yega diadomingo awor, dia 10 di februari, na Renaissance Convention Center pa presencia e eleccion di reina. E eleccion ta inicia pa 5:00pm, unda cu e muchanan ta cla pa subi e stage, baila y trece un atardi yena di alegria.
Biba Carnaval, biba Lillyputters.
