E storia di spula krijt a cuminsa pa motibo cu antes maestronan tabata traha cu borchi, krijt y stof. Ora di termina algo, nan ta bay laba man.
E nificacion ta indica cu nan a termina cu e tarea ey. E maestronan no por laba krijt, pero stofia nan curpa y a bin cu un concepto cu ta zona mas agradabel.
Asina aki a bin cu e concepto spula krijt. Segun Lilith Rasmijn, cabesante di Colegio Sagrado Curason, esey ta nifica cu nan a termina e tarea di aña escolar. Mas o menos 20 aña pasa maestronan di otro scolnan a cuminsa reuni manera cu bel a bati. Nan tabata reuni na Commandeurs pa pasa ratonan agradabel. Door di e contacto di Rasmijn cu doñonan di Commandeurs, el a percura pa regla e cosnan y asina a cuminsa te ora cu el a cera.
Nan a reuni na diferente caminda, te ora cu esaki a bira popular. Nan a organisa un december Spula krijt chikito pa no perde e tradicion di esaki. E temponan aña e tabata hopi leuk, segun Rasmijn. Den transcurso di aña a bin hopi mas hende cu no ta maestro. E concepto a keda, pero a bira completamente comercialisa.
E Spula krijt no ta concentra mas na un solo luga.
E intencion di henter Spula krijt ta pa nan topa un solo luga hunto, despues di 1 aña escolar. Ta reuni riba un dia unda cu tur hende por intercambia di idea y etc., pero awo el a bay for di man. E concepto a cuminsa como karaoke, come y bebe un tiki.
