Faltando apenas algun dia pa nos pueblo dicidi den ki direccion nos kier hiba nos pais, nos di
movimento RAIZ kier comparti un vision holistico di e Aruba cu nos ta desea pa nos yiunan y
descendentenan hereda.
Mientras nos tur ta deliberando y planificando pa yega na un mihor funcionamento di nos aparatogubernamental, movimento RAIZ kier haci un apelacion na nos pueblo henter pa considera nos medio ambiente prome cu cualkier decision politico wordo tuma. Pakico? Si naturalesa ta crucial pa nos sobrebibencia, no Aruba so, sino mundo henter mester a cuminsa dia bieu caba na proteha nos mesun planeta contra su propio destruccion. Desekilibrio ta sosode ora nos ta biba desconecta for di nos mes, for di otro y for di tur locual ta rondona nos, cu ta haci nos humano. Hopi biaha e solucion ta sinta riba punta di nos nanishi y asina mes nos no ta of nos no kier wak e. Placa, material, beneficio propio… tur esaki tin su balor, pasobra nos mester placa pa cumpra material y beneficionan pa facilita nos bida. E cuestion ta, cu nos nunca mester perde for di bista e necesidadnan mas importante pa nos por prolonga nos existencia: aire y awa limpi, fruta cu berdura fresco y saludabel anto di nos propio tera, un dak riba nos cabes y e seguridad y trankilidad cu ainda nos isla conoce.
Ora un pais no tin un bon bista riba e intencionnan berdadero di su gobernanentenan, su destino semper lo keda den scuridad. Un gobierno cu ta inverti den e conscientisacion y educacion di su comunidad completo, cu ta stimula participacion di su hendenan den maneho di nan propio pais y cu ta goberna cu transparencia, ta formando ciudadanonan cu por defende nan mes y cu por para firme pa nan derechonan como ser humano.
Cu RAIZ den parlamento, Aruba lo conoce un politica nobo, constructivo cu kier reconecta y eleva nos hendenan, dunando un mihor ehempel con nos mes como ciudadano por yuda na incorpora un sistema gubernamental cu lo beneficia henter nos isla, no solamente un grupo privilegia so. A yega ora pa dal e lus cende pa nos por mira cla cla unda nos ta y unda nos kier bay. E Aruba cu nos tur kier biba riba dje … no tin dumpnan cu ta contamina nos medio ambiente ni intoxica nos hendenan, pasobra nos ta reciclando nos desperdicio y procesando esaki pa crea energia sostenibel y pagabel pa henter nos comunidad tin un Parke Nacional di Aruba cu ta proteha no solamente 16 area di naturalesa, pero tur area di naturalesa cu Aruba tin ainda y cu mester proteccion urgente, incluyendo nos Parke Marino, cu ta consisti di henter e lama rond di nos isla tin un ROP (Ruimtelijk Ontwikkelingsplan) cu regulacion pa Aruba por keda un isla habitabel, unda construccion ta posibel solamente si e ta acuerdo na e destinacion (bestemming) di e tereno tin un Natuurverordening cu ta proteha nos areanan di naturalesa den nan totalidad, sin excepcion politico tin un lista di Flora y Fauna cu ta protegi, publicamente conoci y ta involucra tur nos NGOs local tin un “Nature Protection Levy” cu turismo ta contribui na dje pa asina Aruba por educa su hendenan ariba e importancia di nos medio ambiente for di e edad mas hoben bay ariba ta consisti di un comunidad cu ta stima su isla, pasobra e sa e balor di su pais y e grandesa di su hendenan Dia 22 di september, no keda sin vota, pasobra No Vota ta un voto perdi. Votando pa RAIZ ta bo voto pa e Aruba cu nos tur kier biba riba dje. Vota cu consenshi. Pa mas informacion: www.raizaruba.com
