Lidernan: Di januari Traimerdia ta den un situacion caotico

E ultimo informacion cu Traimerdia por a tende mas of menos un luna pasa for di prome minister, como tambe minister Glenbert Croes, cu Traimerdia lo cana manera cu el a cana. Ta papiando aki di structura.

Juleida Rincones, asistente di Traimerdia Paradera, a splica cu e ultimo carta cu nan a haya di Minister Lampe, a pone nan den un panico. E structura di Traimerdia a cambia completamente. A menciona cu ora e muchanan bin, nan tin cu scoge kico nan ta haci. E leidsternan no lo tin un vaste kind. E mucha no lo tin un leidster vast. Nan ta scoge unda nan ta bay, cual lo ta caotico y peligroso.

Lidernan: Di januari Traimerdia ta den un situacion caotico

Lidernan: Di januari Traimerdia ta den un situacion caotico
https://24ora.tv/31HsByy

Posted by 24ora on Wednesday, August 14, 2019

 

No por imagina cu e muchanan ta core rond henter ora of duna un actividad. Si puntra e mucha kico e kier haci, e mucha no ta bay bisa cu e kier traha huiswerk. Ningun mucha no por traha huiswerk den un ambiente intrankil cu tin yen di mucha ta core rond.

Ta berdad cu ta responsabilidad di e mayor pa e mucha cu su huiswerk. Si mand’e un Traimerdia, dos punto hopi importante ta pa e mucha academicamente por ta exitoso, como tambe den su desaroyo social emocional, cual ta bezig cun’e tambe.

No ta simplemente cu Traimerdia ta vang nan op y djis laga nan core rond y percura pa nan no cay. Tin hopi mas cu esey. A bisa anteriormente caba for di basta tempo pasa cu nan a sali, cu Aruba ta bezig cu un crisis social. E ta bezig ta asotando Traimerdia tambe. Nan tur aworaki academicamente nan ta apto pa deal cu e muchanan aki. Nan a trece e problema aki tambe dilanti na Minister, bisando cu tin situacionnan hopi critico cu ta pasa na Traimerdia, na e diferente centronan, cual ta 10. E leidsternan kier un tiki mas ora pa atende cun’e. E oranan cu nan tin mes, no ta suficiente.  Esey tambe tabata hopi preocupante. Den tur luga cu bo ta traha, bo mester por sigui crece. Nan ta haya les, no solamente pa yuda e muchanan aki den nan desaroyo, riba nan expresion di movecion, pero tambe nan ta haya les cu ta empoderece e muchanan manera riba nan partinan social emocional.

Aki ta papia di lesnan cu tin di haber cu tur area. A pidi les pa nan siña anda cu muchanan. Tin mucha cu ta bin di scolnan special y a pidi pa haya mas upgrading riba esey tambe pa por yuda e muchanan.

A bisa nan cu nan no ta autorisa pa ta den klas cu mucha. Tipo di cosnan asina ta preocupante. No por imagina cu un mucha di kleuter y di zesde por sinta den un klas. E doelgroepnan mester ta apart.

Segun Rincones, ora cu e centrum leider no t’ey, e asistente tin cu tuma over di e centro. Un asistente tambe tin grupo. Di januari 2019, cu e centrum leidernan a reduci di 3 pa 5, como asistente, nan tin cu tuma encargo, no solamente den ausencia di un lider pa un par di dia, cual ta pasa normal. Pero el a pasa di januari pa augustus. Den caso di Rincones y tres otro centro mas, tabata tin cu a scoge di prefera di no traha. Tin cuater centro na Traimerdia, cu no tabata tin centrum leider. Den e caso di Rincones, e tabata un groepsbegeleidster di 24 mucha. E tabata percura pa e centro completo, yuda cu e lidernan. Tur cos cu por imagina. A bisa e minister cu ta demasiado trabao, pasobra e mucha ta wordo perhudica. Si tin cu atende cu un mayor, tin cu parti su klas cu e otro lidernan, cualnan ta wordo overbelast.

E aña aki, pa nan sorpresa, a habri cu 9 centro cu no tin lider, cu ta bay pasa den algo similar cu e otro centronan a pasa caba y esey ta preocupante. Nan como lider y asistentenan, a carga e cos aki. A bisa nan como asistente, cu tin cu tum’e, no pidi timeback, no pidi nada extra y no a haci’e. A carg’e. Pero no ta husto pa cuminsa atrobe awor aki riba e mesun pia asina aki. Danki Dios nada extra no a pasa. Nan ta hendenan responsabel, segun Rincones. No ta kita afo cu algo por pasa, pasobra nan no ta un pulpo.

Posibel solucion

Segun Rincones, solucion ta cu mester tin un hende na cabes. Como asistentenan nan ta capas, pero e no ta bay cu tur dia ta bira asina ey cu bo ta draai y bo tin un hende di menos. Imagina un dia cu tin un AO melding. Por ehempel un otro hende a bay cu BVVD y no tur ora ta haya invalsters, mirando cu aki tambe tin tekort.

Ora ta papia di dos of sikiera un klas, ta papia di 24 mucha cu tin cu pone un caminda. Dos klas ta bira 48. Tin cu atende mayor tambe, pasobra no tin un centrum leider, kende por atende cu e mayor, mientras cu e asistentenan ta bezig cu e muchanan.

Siguridad di e mucha, cu ta central ta hopi vulnerabel na e momentonan aki. E solucion ta pa cana manera cu nan ta bin ta canando. Nunca nan a sali pa bay keha riba e structura di Traimerdia. E unico cos cu nan a sali bisa ta, cu tin un crisis social na Aruba y mester di un ayudo. Mester di un tiki mas ora pa por atende cu nan.

Rincones a menciona cu prome cu 2019, cos no tabata asina. Prome cu januari 2019, tur centro tabata tin un centrum leider na cabes, un asistent, un tweede asistent y e lidernan cu nan grupo. Desde januari e situacion caotico a cuminsa.

Comments

comments