Lider di partido y fraccion RED, Ricardo Croes, a reacciona riba e manifesto cu docente, mayornan y sindicato SIMAR a entrega na Parlamento di Aruba. E parlamentario a reacciona na un forma cu el a termina ta yama nan politiek verziekt. Su actitud no a cay na bon tera cu tanto e sindicato como docentenan presente.
Segun Croes, a yama Minister Lampe pa un reunion pero ta elogia Arthur Dowers, kende tabata minister di enseñansa. Esey e ta haya berguensa, pero tambe cu docentenan ta riba Facebook pa rebaha mandatario y parlamentario. E ta haya cu educador ta un ehempel y ta haci cosnan asina aki ta un berguensa.
Un docente di Scol Paso Pa Futuro ta expresa cu parlamentario Croes ta laga di desea. Ta di lamenta di scucha un parlamentario ta expresa den un forma asina. Nan ta haya esaki un berguensa y ta puntra ki ehempel ta duna e muchanan. El a sigui expresa cu nan ta masha disgusta cu tin di yega eynan pa busca derecho di e muchanan.