Libertad pa 4 acusado di importacion di 110 kilo di cocaina

Awe mainta Corte di Prome Instancia a dicta sentencia den e caso grandi di 110 kilo di cocaina cu a wordo confisca na un cas na Casibari na luna di mei 2018.

Un caso den cual e cuater personanan deteni ta Angelexcinio Croes; Ruthley Zievinger; Kendrick Wernet y Giovanni Rafini. Tur por bay cas awe tardi mes despues cu caba di regla nan papelnan di salida.

Hues no por compronde cu riba diferente aspecto Polisnan no a sigui haci investigacion of investiga mas profundo cierto datonan. Esaki a haci cu e pruebanan presenta no ta suficiente. Esaki ta loke Hues a pone enfasis riba dje. “E ta bay pa e pruebanan cu no ta suficientemente onderbouw”.

Asina por ehempel a cuestiona cu e piñero den cual e droga a wordo transporta, a wordo confisca te 3 dia despues. No a uza e cacho di Polis pa hole si den e boto tabatin droga; e icejugnan cu potret a saca cu tabata den e boto no ta mescos cu esnan mira na e cas, segun e grabacion di camara. A haya na e cas tres Icejug: un blanco grandi un blanco mediano y un blauw. Esnan cu a mira den e diferente filmacionnan cu a confisca ta mustra dos icejug grandi. Na e cas esnan haya ta uza caba y no ta e dos nobonan cu el a cumpra dos dia prome.

https://www.facebook.com/24ora/videos/325056358155406/

Pues no a proba con e droga a yega Aruba. E piñero no por a bay buske pasobra e distancia ta demasiado leu pa e bay Venezuela y bolbe den 3 ora. No tin info di radar of otro prueba cu ta mira cu otro boto a pone droga abordo di e piñero.

Banda di esaki e pregunta ta: di kende e droga haya na e cas tabata? Na e cas tin hopi hende ta biba, pues e por ta diferente hende. E homber Croes cu ta biba na e cas tabata sa cu tin droga scondi den e piñero? Tampoco a keda proba. A mire riba filmacion para banda di algun ice jug pero esaki sa si e tabata na altura di droga ni si un di nan ta e mesun icejug abordo di e piñero.

Pues a declara tur liber!

Comments

comments