Awe den oranan di merdia a surgi un lantamento un biaha mas na Centro di Detencion di Guarda Nos Costa na Aeropuerto. Ta parce cu Minister di Husticia Andin Bikker ta perdiendo e guera pa su maneho deficiente relaciona cu detencion di stranheronan cu a yega Aruba den forma ilegal. Mal maneho y problemanan interno den e departamento ta percurando pa lantamento y huymento awo casi tur dia!
Algun persona deteni eynan di un forma of otro a logra sali for di e area di cel pa subi riba e dak cu un bandera grandi di Venezuela gritando “Libertad, Libertad”, hunto cu esunnan cu tabata den e instalacion, parti paden.
E grupo kier bay nan pais bek y practicamente tur dia ta tene un of otro accion pa mustra e malcontento di ta cera pa hopi luna caba eynan.
