AVP tin su perspectiva riba e reunion cu a tuma luga dialuna. Parlamentario di AVP mr. dr. Ryçond Santos do Nascimento a comenta cu nan a delibera den fraccion y a pensa hopi riba e ley aki.
Tin cierto punto cu nan no tabata di acuerdo con e ley tabata hinca den otro. Den e memorie van toelichting tin cos cu por drecha.
A pone tur cos den balansa. A kere cu na final di dia cu un ley di screening ta hopi importante y p’e motibo aki mes a pensa cu e ta pisa mas cu tur e cambionan cu AVP lo ta desea pa mira den e ley.
Fuera di esey, den discurso di do Nascimento a papia di diferente cos cu tin cu cambia.
Loke cu a mira aworaki den un discurso di e presidente, Por a tuma nota cu a adopta e puntonan di mas importante pa AVP. Santos do Nascimento a agrega cu otro hende den sala tambe a bin cu pensamento similar. Si pone full e parti di politica un banda, toch ta yegando basta cerca di otro, segun e parlamentario.
Na Aruba ta dificil pa hiba un reunion cu no tin e aspecto politico, cu no tin e parti di kier luci como e partido corecto. Pero na final di dia, ora cu mira e producto, no completamente contento cu ne, pero ta kere cu e ta hopi importante. Intencion ta pa vota pro y ademas di esey e aspectonan mas importante di cambio, por a mira cu esaki ta adopta y esey ta un paso den e direccion corecto.
Pa cobertura mas amplio lesa edicion di TREMPAN mañan.
