Ley di Reforma Fiscal aproba den Parlamento

Cu un total di 20 miembro presente den sala di Parlamento, faltando Ricardo Croes di e Fraccion di RED, a aproba e ley di Reforma Fiscal cu 11 voto na fabor y 9 voto contra. E cambionan fiscal aki, cu ta inclui varios aspecto, ta drenta na vigor entrante dia 1 di januari 2019.

Un di e cambionan sin duda ta riba number di auto. Den e ley di e aña aki no ta reconoce number sino un sticker riba windshield. Awor esey no ta necesario mas, sino lo controla riba number mes, cu ta bin un otro color cu esun blauw cu nos tin awor. Tambe den asuntonan di impuesto a haci adaptacion na Grondbelasting, na Loonbelasting y hasta e prohibicion pa pone BBO riba recibo ora di benta.