Un motociclista a resulta herida awe mainta despues cu cacho a sali bula riba dje. A bin resulta cu e ta un trahado di Post Aruba NV cu tabata riba su ruta di trabou den Bottom Hill Weg na San Nicolas na momento cu e accidente aki a tuma luga.
Esaki tabata den careda di 11:00 am ora cu el a hay’e enfrenta cu un cacho riba caya cu a bin su direccion. El a cay haya basta sla. Mesora a bati alarma na polis cu a presenta na e sitio.
E tabata keha di dolor na man y pia cu a pone cu a pidi ambulance presenta pa bin atende cu ne. A tuma tur datos y ta pidi comunidad pa pone mas atencion na e mascota cu nan tin na cas cu metser ta den cura y no los pafo riba caya. Tin cu recorda tur hende cu e ley di cacho a pasa y mester tene nos mes na dje.
