Diamars merdia tabatin un accidente riba Sasaki den cual e vehiculo, un Lexus, a keda total loss y no tabatin herido.
Algo pasa di 12.45pm a sosode un accidente basta grandi, caminda un lexus color preto cu tabata bayendo direccion noord riba Sasaki weg cu velocidad hopi a accidenta. Esaki a sosode net un rato despues cu awa a basha den e bisindario y caminda tabata basta muha. Parce cu e chauffeur, probablemente door di e caminda muha mes, a perde control pa bay dal den un mata di kwihi.
E vehiculo a keda total loss, y e manehador a sali ileso di e accidente. Polis di trafico a presenta y ambulance tambe a presenta. Nan a controla e chauffeur pero e no a haya sla serio, pero si un susto grandi.
