Dialuna mainta tabatin un accidente cu basta daño material a sosode den area di Dakota, pero no tabatin persona herida.
Mainta tempran a drenta informe di un accidente cu impacto fuerte den Dadelstraat. Patruyanan cu a yega na e sitio a constata cu tabata un Lexus a causa e accidente aki y pa motibo di no a duna preferencia.
Segun por a compronde eybou, e chauffeur di e Lexus biniendo for di Pampoenastraat no a ni para na e crusada, a sigui straight y a bay dal den un pick-up cu tabata bini for di nort riba Dadelstraat.
Door di e impacto, e vehiculo a dal den rand di e acera, destruyendo e dos wielnan na banda drechi di e pick-up. E impacto tabata uno basta fuerte pero asina mes afortunadamente ningun h
ende a resulta herida.
