Lesa E-books gratis como miembro di biblioteca

Bo ta desea di lesa E-books? Novela, storia bukinan informativo? Miembronan di biblioteca cu ta desea di haci uzo di e servicio aki, por manda un email na [email protected] pa registra. Si bo manda un e-mail pa biblioteca, por fabor menciona: nomber y fam, number di telefon y e number di barcode cu tin riba e carchi di miembro.

Un empleado di Helpdesk lo manda: un code di acceso, un password y instruccion con pa login. Online Bibliotheek tin un app cu por baha for di e App Store y Play Store. Online Bibliotheek ta ofrece su servicio temporalmente di e-books y audiobooks gratis na tur miembro di biblioteca na Aruba. Tin un coleccion grandi di buki na Hulandes y un coleccion na Ingles.

E coleccion tin tur sorto di buki mescos cu un biblioteca normal ta ofrece. Por lesa e-books riba computer, tablet, celular y e-reader. Awo miembronan tin e opcion pa lesa 16 revista tambe. Por haya mas informacion riba e website di biblioteca.