Leidsternan di Trai’ Merdia un biaha mas dilanti porta di Parlamento

Awe, diabierna, sigur ta un dia hopi importante y preocupante pa e leidsternan di Trai’ Merdia, kendenan un biaha mas a reuni y a presenta dilanti porta di Parlamento pa asina entrega un manifiesto indicando e preocupacionnan cu nan tin pa loke ta e cambionan cu Minister di Enseñansa, Rudy Lampe kier haci na e institucion y tambe enseñansa en general.

Diahuebs e trahadonan a sali bisa cu e decisionnan cu e minister kier tuma cu trai’ merdia pa e trahado y muchanan ta desastroso. Banda di esey, si mira bon, Trai’ Merdia ta di luto.

 

Pakico?

Pa motibo cu e minister ta pega den su vision, no ta compronde e idioma cu e leidsternan ta papia. No kier compronde e idioma. E ora a dicidi cu diabierna ta bay den accion di welga.

 

Minister no ta duna atencion na e crisis social cu ta azotando Trai’ Merdia. E no ta duna atencion na balor di e trahadonan. E no ta duna e atencion na e peticion cu e mayornan tin mester di un Trai’ Merdia. Y awe, diabierna, kier entrega un manifiesto, pa asina demostra nan preocupacion pa esaki.