Lasorte di AHATA: Mester caba cu e proceso di haya ayudo mas lihe

783

AHATA ta aprecia e transparencia mustra door di Gobierno di Aruba pa duna informacion riba e proceso encamina pa busca ayudo pa Aruba y cu a permiti gremionan duna nan “feedback” riba e presentacion duna den e Cumbre di diaranson. Pero tambe ta contento di a logra dialogo cu Hulanda y cu inclusive a logra algun cambio compara cu e prome condicionnan poni door di Hulanda pa brinda ayudo financiero na Aruba. Esaki ta loke cu CEO y President di Aruba Hotel and Tourism Association (AHATA) Tisa LaSorte a expresa den declaracion duna na 24ora.com

Bayendo riba e Cumbre mes, el a bsia cu si a scucha bon e presentacion duna door di Gobierno y hefenan di departamento, tabata hopi cla cu Aruba no tin otro opcion mas cu cera un acuerdo cu Hulanda. “Tin hende cu ta sapatea of sclama, pero hecho ta cu no tin otro opcion,” el a bisa.

Lasorte di AHATA: Mester caba cu e proceso di haya ayudo mas lihe

Lasorte di AHATA: Mester caba cu e proceso di haya ayudo mas lihe

Posted by 24ora on Thursday, August 13, 2020

AHATA ta compronde cu Aruba na e momentonan aki ta den un situacion hopi precario y mester di ayudo. Mester caba cu e proceso aki mas lihe posibel pa kita e incertidumbre cu ta existi awo. Pa tur hende sa con e situacion ta bay ta.

Ta importante pa finalisa e proceso di tuma decision pa Aruba por haya e ayudo financiero y tecnico cu mester di dje pa mira cual ta e pasonan cu e isla mester tuma pa na final yega na un economia firme.

Durante e presentacion tambe LaSorte ta bisa di a constata cu e participacion di e entidad nobo ta algo temporal y lo yuda pa Aruba bolbe para bek riba su pianan. “Mester acepta e periodo di ayudo aki pa final nos por cana bon,” e CEO di AHATA a bisa.