Larry King, presentador di television y radio kende ta conoci den casnan Mericano y rond mundo cu su show riba CNN, a fayece diasabra. E tabatin 87 aña.
“Cu profundo tristeza, Ora Media ta anuncia fayecimento di nos co-fundador, presentado y amigo Larry King, kende a fayece awe mainta cu 87 aña di edad na Cedars-Sinai Medical Center na Los Angeles,” e cuenta oficial di King riba Twitter a anuncia. Causa di morto no a ser menciona, pero King su fayecimento ta bini algun siman despues cu a anuncia cu e personalidad aki tabata luchando contra coronavirus.
“Pa 63 aña y riba plataformanan di radio, television y media digital, e miles di entrevistanan di Larry, su premionan y reconocimento mundial pa su talento y forma unico ta un testimonio di su talent como un personalidad di comunicacion.”
For di 1985 te cu 2010 e tabata presenta tur anochi na CNN, cu cual programa el a gana diferente premio. Su invitadonan tabata celebridadnan, pero tambe a hiba debatenan politico.
King a realisa rond di 50 mil entrevista den aire.
