E prome informe tabata menciona un lantamento pisa den prizon na Santo di Patia. Despues a drenta informenan mas concreto cu un preso a purba cende su mesun cel na candela. Cuidadonan di preso a logra domina e candela mesora y a wanta e daño mas bien na e preso mes cu a sinti su mes malo dor di a inhala huma.
Ta algun dia caba cu tin un situacion di descontento den e instituto coreccional na San Nicolas. Presonan ta keha cu KIA a bira un barco sin capitan, pero mas cu tur cos, sin un rumbo fiho tampoco como destino. Liderazgo ta laga di desea, ningun hende cu kier asumi responsabilidad di e prizon tanten cu Minister Andin Bikker di Husticia no caba di dicidi como Gobierno kico nan kier y kico nan “por” haci cu e prizon for di un punto di bista presupuestario. Tanten cu esaki no ta cla, no por haci nada y e infrastructura ta sigui deteriora y e ambiente di trabou eyden hunto cune.
Liderazgo ta laga di desea, ningun hende cu kier asumi responsabilidad di e prizon tanten cu Minister Andin Bikker di Husticia no caba di dicidi como Gobierno kico nan kier y kico nan “por” haci cu e prizon for di un punto di bista presupuestario. Tanten cu esaki no ta cla, no por haci nada y e infrastructura ta sigui deteriora y e ambiente di trabou eyden hunto cune.
Presonan a probecha awe riba un dia asina pisa pa lanta y start un desobediencia, aunke cu a control’e y a limit’e na un candela individual. Hecho ta cu riba dianan di fiesta of liber asina, e cantidad di cuidadonan di preso ta bira menos, debi na un problema serio di “AO Melding” pa hopi aña caba den KIA. Asina ta facil pa probecha di e ocasion, pasobra cu e tiki cuidadonan di preso ta casi imposibel pa tene e prizon bou control.
Hopi aña pasa, bou maneho e tempo ey di Minister Arthur Dowers tambe a tuma luga un lantamento precisamente durante parada di carnaval na San Nicolas. E tempo ey e presonan a logra subi riba dak di prizon y protesta pa e maneho y trato eyden. A costa basta tempo y esfuerso pa a calma e situacion e tempo aya.
Hecho ta cu KIA ta carece di un plan integral, mara na un programa di mas aña den cual no ta tene cuenta solamente cu e retonan infrastructural cu ta afectando su operacion, pero tambe teniendo cuenta cu cursonan di capacitacion y profesionalisacion di e cuidadonan di preso, uza di tecnologia moderno pa controla e prizon y cu un programa di resocialisacion y educacion pa e presonan. Tanten cu e plan aki no ta cla y no tin fondo pe, KIA lo sigui di ta un “time bomb” pa tur Gobierno cu sinta, sea cual sea su asignatura!
