Pa nos ta un honor risibí boso awe tardi; danki pa a aseptá nos invitashon. Awe tardi ta unu sumamente importante kaminda boso por mira ku union, esfuerso, atenshon pa yega na mas komunikashon ku abo nos kliente a kondusí na e momentu ku nos por bisa boso: Bon Biní na nos App launch!
Permití mi introdusí mi mes un tiki mas den detaye. Mi nòmber ta Ferdinand Rosalina i mi ta laborando ya pa 16 aña na Asfalt Centrale Curaçao di kual 2 aña den e posishon di manager.
Mi kier a laga bosnan sera konosí ku e tremendo team ACC ku mi tin e plaser di traha diariamente kuné: Rodella Melaan; Telefonista – weger – atministrashon, Winfred Peloz; Asfalt operator, Edsel Lebar; Loadermachinist i Jason Benito; Laborant
Un team chikitu di hóben adulto ku ta hasi e trabou bon pa asina nos por garantisá kontinuidat den kalidat, produkshon di nos asfalt i huntu ku tur e standardnan nos yega na ekselensia pa kada un proyekto ku wòrdu pone den man di Asfalt Centrale Curaçao.
Asfalt Centrale Curaçao ta para pa garantia i kalidat, vigilá dor di e normanan di ISO. E aña aki nos lo bai hisa e kriterionan di e normanan bayendo na ISO 2015.
Un team nobo, un pensamentu nobo i un rosea nobo. Ku mentenan kreativo motivá pa un propósito.
Awe nos ta kuminsá ku nos App ku lo habri kaminda pa nos sigui ku mas inovashon den nos servisio i tambe inovashon den tipo di asfalt ku nos ta krese. E Meta di App ta pa halsa henter e servisio di asfalt, mirando ku e kaminda pa kumpra asfalt ta largu.
Despues di hopi petishon di nos klientenan, Asfalt Centrale Curaçao ta introdusí e App pa enrikesé e komunikashon entre nos i nos klientenan riba un base moderno, outéntiko i mas fásil pa komuniká.
E parti mas fenomenal ta ku, ku e App aki kada kliente por 1. ta na altura di kada produkto nobo, 2. por plania, 3. por hasi pedido for di kas, 4. risibí faktura riba email i 5. por hasi e pago via banko i manda kopia di e prueba di pago via di e App mes.
Pa klousura Asfalt Centrale Curaçao kier a gradisí Kenneth Leung pa e idea, Caresse Josefa pa e partinan tekstual i Ivan Soliana e diseñadó di e App. Felis atardi i danki pa boso presensia awe!
