Diabierna mainta a tuma nota di informacion riba rednan social cu miembronan di comision a tuma decision di cancela e jump up escolar y ta informa tur alumno/ docente y mayornan di e decision.
Motibo di e cancelacion a bin na momento cu cambio den vakantie escolar den luna di februari 2020 y fecha di evento a coincidi.
Considerando cu e scolnan di Dakota lo ta liber y cu mayoria no lo t’ey presente pa brinda nan sosten/ participacion na e evento a tuma e decision di cancela e Jump up escolar.
Na mes momento miembronan di comision ta manda un invitacion na tur Dakotero y esnan cu semper ta sostene tur actividad, pa e Jump Up Dakota cu ta tuma luga den oranan di anochi, cu si ta sigui segun planea. Fecha ta keda 19 di februari 2020 cuminsando pa 8:00PM
Pa tur informacion, por “Like” e pagina di Centro di Bario y Deporte Dakota.
