Laga bario sin coriente y sigui bay!

Diadomingo a habri cu Tanki Flip den scur, esaki ta pa motibo cu un chauffeur iresponsabel a dal contra un pal’i luz.Tabata mas of menos 12:15 am ora cu polis mester a bay cu urgencia pa Tanki Flip. Segun testigo, un pickup blanco lo a pasa dal e pal’i luz y sigui su caminda manera nad’un pasa.

Auto a ranca pal’i luz

Posted by 24ora on Saturday, December 4, 2021

Ta net 15 minuut despues cu patruya di Playa a topa cu e chauffeur di e auto marca Nissan color blanco den e bario di Sero Patrishi. Remarcabel ta, cu e auto no tin ningun tipo di documento valido. Pues, e no tin plach’i number tampoco. Comosifuera poco, el a yega te Sero Patrishi sin bateria di auto, con el a yega ta keda un pregunta.

Detencion: A topa cu chauffeur cu a ranca palo di luz na Tanki Flip

Posted by 24ora on Saturday, December 4, 2021

Despues di a papia cu ne a hinc’e den transporte policial y hib’e ward’i polis. Mientrastanto personal di takelwagen mester a averigua con pa paga e auto. Mañan e chauffeur lo lanta wayaba y cu su auto na werki.

Betra: Chauffeur iresponsabel por poco a pasa riba palo di luz kibra benta riba caminda. Polis a dun’e un bon scual y dun’e prohibicion pa stuur auto.

Posted by 24ora on Saturday, December 4, 2021