Ladronnan tin pueblo harta: Na Donkey Sanctuary a horta kluis cu 10 Mil y hopi material importante

3529

Diaranzon mainta Polis a bay na Donkey Sanctuary na Bringamosa. E voluntarionan cu a yega mainta pa atende cu e buriconan a mira cu ladronnan a bishita e localidad.

Marduga esaki a sosode. A kibra drenta den e area di oficina y horta hopi cos. A pasa man pa e kluis cu mas of menos 10 Mil florin aden. A horta tambe flatscreen. E DVR tambe nan a bay cune. Tin camera na e lugar pero e ladronnan a bay cu e sistema di graba. Kiermen no tin evidencia cu a keda atras riba video. Nan ta cuida 125 burico den Donkey Sanctuary. Nan te depende di donacion pa asina por mantene e buriconan.

E sistema di computer tambe a bay cune. Den e sistema aki tabata tin henter e historia di e buriconan. Nan problemanan etc ta parti importante di e historia cu e ladronnan a bay cune. Polis a tuma e keho. Si un hende por sa algo di e ladronicia aki, please tuma contacto cu Donkey Sanctuary. Boso informacion ta importante pa logra yega na e ladronnan. Nan a drenta man bashi y sali man yen den oranan di marduga.