Diasabra atardi Polisnan atento di districto di Noord, den un forma relampago, a detene dos homber di nacionalidad Colombiano cu recientemente a yega Aruba. Nan ta aki como “turista” y a gara nan hortando den un cas na Westpunt.
Informacion a drenta cu pa bay pura, pasobra personanan cu ta biba den vecindario di e cas na Westpunt 25, ta mira con tin kibramento di bentana pa asina ladronnan drenta. Dos unidad di Noord a sali cu maximo urgencia den direccion di e cas. Na momento cu nan a yega nan a logra cuminsa na rondona e cas y a mira un ladron ta sali core, mientras cu otro a wordo gara den e cas, habriendo porta di sala pa bandona e cas na Westpunt. Nan a trata di detene e otro, pero esey no a logra. Solamente a gara esun den e cas.
Otro unidadnan tambe special cu tabata den vecindario y otro unidadnan uniforma a cuminsa tira bista pa e di dos sospechoso. Nan a logra gar’e tambe y a bay cune warda. Mientras tanto, esun cu a wordo gara den e cas, nan a cuminsa papia cun’e, interog’e, pa asina trata na saca afo kico e tabata haciendo, etc. Den un tas cu e tabata tin, a bin topa hermentnan nobo nobo cumpra y e hermentnan aki ta loke nan tabata uza pa drenta horta cas di hende. Hermentnan den e caso aki, unda cu pata di cabra, schroevedraaier, tur ta parti di e hermentnan cu nan tabata tin cu nan, den un tas, moviendo y ora cu nan a pasa dilanti di e cas, a mira cu no tin auto na e cas, nan a asumi cu no tabata tin ningun hende na e cas. Esey ta motibo tambe cu nan a dicidi di bay drenta, kibrando bentana di baño. Ora cu nan a kibra bentana di baño, tabata tin un yiu muhe drumi den e cas e momento ey.
El a tende manera zonido na e baño di su camber. Y ora el a habri porta, el a mira e ladron, pero e ladron no a mir’e. El a core yama famia y bati alarma mesora. Asina autoridad a yega y gara esun den e cas. El a bay sconde den un otro baño cu ta pertenece na e cas. A hiba tur warda y e persona aki, un di nan, ta bisa cu recien el a yega Aruba. Nan a confisca su paspoort, e tas cu tur herment. Hasta e alarma nan a activa na e cas, na momento cu nan a drenta despues cu a mira cu no tin auto na cas y a dicidi di dos ladron pa drenta y horta den e cas na Westpunt 25. Esaki ta di tres biaha cu intentonan ta wordo haci of nan a horta na e cas. E biaha aki, polisnan di Noord a reacciona rapido y ta gara e dos ladronnan aki, cu recientemente a caba di yega Aruba for di Colombia. Bon trabao na miembronan policial di districto di Noord.
