Un alerta ta bay na tur ciudadano cu tin cas of otro proyecto di construccion andando. Tin algun ladron pasando rond den pickup hortando material.
Den un luna di tempo e mesun pickup cu dos persona den dje a horta material na un cas den construccion na Primavera.
Prome cu nan a logra a hazaña di yena e pickup cu bloki y disparce cu nan. E biaha aki nan a bay cu e baki awa. Bisiña a logra mira loke ta pasando y a bati alarma pero ya caba e vehiculo a disparce. Camaranan di siguridad den bisindario a capta e pickup, manera por mira riba e video.
Informacion ricibi ta mustra cu un pickup similar na esaki ta pasa na diferente sitio di construccion buscando material pa horta. Ta pidi tur hende pa tira bista riba e situacion aki.