Aruba tin un Toque De Queda for di 9’or di anochi pa 6’or di mainta. Y di un forma of otro ladron of adictonan ambulante ta probecha di e momento aki of net prome cu tur hende ta na careda pa bay cas, pa haci nan actonan delictivo.
Awe mainta personal di Fort Zoutman a constata, ora cu a bin tira bista den e luga / oficinanan, cu personanan desconoci a kibra glas di bentana pa drenta paden. Nan a plama tur loke a haya den nan caminda. Ta parce cu nan tabata en busca di placa, pero no a haya nada di esey. Nan a bay cu algun cos di bebe cu tabata den deposito y otronan cu nan no a logra carga bay cun’e a keda atras, manera pa bolbe busca nan.
Daño material total no ta conoci.
