Ladronicia den Fort Zoutman pa segundo bes den un siman

587

Un bishita cu ningun localidad ta gusta ricibi ta esun di Ladron den anochi. Dialuna mainta ta habri cu e disguto di topa cu e situacion amargo  cu hende a drenta y bay cu varios articulo for di den cushina di Fort Zoutman.

Un persona encarga a tuma contacto mes ora cu polis cu a presenta na sitio. Por a tuma nota di palet poni parti pafo di e cura cual nan a usa pa bula y parti paden a posesiona un stoel pa asina acomoda miho nan entrada y salido for di e sitio.

E prome anochi tabata diabierna y dialuna a bin pa caba cu e intento por completo. Nan a bay cu dos stof di coriente y algun articulo tabata staciona cla pa nan bolbe e diana siguinte y bay cu nan.

E persona encarga a conta cu nan lo haci nan maximo esfuerso pa pone un blokeo na cierto entradanan mientras cu nos pais ta continua cu e regla di “Shelter in Place” cu ta haci dificil di controla mientras cu e localidadnan ta cera.