E doño di Sultan a haya un sorpresa desagradabel e siman aki ora cu ladronnan a kibra drenta den e luga.
E ladronnan lo kier a come pero a lubida cu esey no ta e forma di drenta paden.
Diaranson mainta 11’or e doño a yega na e negoshi y a constata cu bsihitantenan indesea a comete kiebro den e restaurant Sultan, situa net banda di e rotonde di Tarabana.
Segun di loke el a mira riba e video, pa 5.05 dos mucha homber riba bicicleta a yega dilanti e luga. Por a mira con nan tabata wak rond, probablemente si no tabatin testigo di loke nan tabatin pensa di bay haci. Pero loke cu nan no tabata sa cu tur rond tin camaranan di siguridad.
Riba e filmacion por mira con nan tabata luchando pa kibra e bentana pa drenta paden. Nan a bay cu un caha cu placa larga. Nan no a haya mucho cos pasobra ta deposita tur dia na banco. Nan a logra bay cu rond di 500 florin.
Lo no dura mucho pa detene e personanan aki pasobra nan cara a sali hopi cla riba e filmacion.
