Diabierna atardi, presencia di polis a wordo pidi den Caya Grandi, pasobra unhoben ladron a drenta, coy cantidad di paña y sali bay cun’e.
Esnan cu a mira e persona aki, el a djis drenta e negoshi, coy paña y sali bay na careda.
Despues riba un distancia el a keda cana bay manera nada no a pasa. Hasta el a wordo filma ora cu e ta canando bayendo cu e paña buscando un manera pa sconde esaki.
Aparentemente e ta un persona conoci di inicial E. Den e dianan aki e ta hopi druk y e modus operandi aki lo bay sosode den mas negoshi, caminda cu hende ta drenta, probecha di e ocasion cu ta druk, pa coy paña sali bay sin paga.
Polis a tuma tur informacion y a keda di core rond pa mira si por topa cu e ladron.