Universidad di Aruba a keda sin thee ni koffie

Diamars, pa mas of menos 8’or y 50 di mainta, Central a manda patruya na e oficina di
administracion di Universidad di Aruba pa un caso di ladronicia.

Eynan a papia cu e homber L., kende a declara, cu e ta facility manager na e oficina di administracion di Universidad di Aruba riba LG Smith Boulevard. Dialuna, pa banda di 7’or di anochi, e oficina di administracion a wordo cera pa e doño di Classic Security y laga intacto. Diamars, pa 8’or di mainta, L. a wordo yama telefonicamente paun colega, y a pone na altura cu desconocidonan a kibra bentana di e oficina di Recursonan Humano, situa na banda pariba
di e edificio, a drenta paden y a comete ladronicia.

Na e sitio, por a nota cu e cashinan di file cu ta den e oficina di Recursonan Humano, tabata habri y e porta di e airco ruimte tambe tabata habri. Den e oficina por a nota cu desconocidonan a bay cu e mashin pa traha koffie, e toaster y algun saco di thee y sucu. Ta trata aki di un coffeemaker color blanco di e marca Black and Decker, y un toaster color blanco. E marca di e toaster no ta conoci. Central y Departamento tecnico a wordo poni na altura.