Ladron a kibra dos biaha den mesun cas

Un cas situa den Caya Ernesto Petronia unda cu tin trabou di construccion andando, a haya bishita na dos ocasion pa ladronnan.E trahado cu ta traha na e cas en cuestion y a laga e cas bon bon dia 14 di october.

Pa su sorpresa ora cu el a bolbe dia 15 di october den oranan di mainta, a constata cu e porta tabata mita habri y dos bentana tabata kibra.  A forsa e porta y a bay cu dos mashin di carpinteria e dia ey. A pone Polis na altura, kendenan a constata cu a reboltia den e cas.El a sigui controla e cas tur e dianan aki y a pone un proteccion na e porta pa evita cu ladronnan ta drenta.

Dia 17 den oranan di anochi y despues awe madruga el a sigui controla. Asina mes el a constata cu ladronnan a trata di horta den e luga atrobe, pero no a logra. Un biaha mas polis a bini.