E homber aki a bay horta den un auto para den parkinglot di Jossy Motors. E doño di e auto a bay cu su famia come den cercania.
E ladron a yega cu su auto Spark sin number dilanti. Esnan cu conoce e ladron aki por yuda pa asina Polis por detene. El a yega den un Chevrolet Spark y staciona e auto den parkinglot.
Djey baha y cuminsa pone luz den e auto pa mira kico tin aden. Cu flashlight ta pasa dor di e tinted glas pa mira si tin cosnan di balor. Djey a kibra e glas patras banda di pasahero y rek horta cosnan balor na miles di florin. A horta Drillmachine marca Makita. Mashin pa schuur marca Milwaukee. Router machine, Circulair Saw y dos organizer di schroef. Esunnan cu conoce of ta reconoce e ladron aki cu e Spark por yuda pa Polis gar’e.
Bo tip ta importante pa mayan evita cu bo tambe ta bira victima. E number cu por yama ta 5949627 of tambe 11141 cu ta e tipline di Polis. Polis tambe tin e video y tur e informacion di e miles di florin horta na ekipo di trabou diabierna anochi pasa di 9:00pm dilanti Jossy Motors.
