Ladron a drenta horta tablet for di truck di carga

Awe tardi pa mas o menos 6:00pm a sosode un caso di ladronicia pafo di Springfield Supermarket na San Nicolas. Un truck di entrega a yega pa baha carga na e supermercado y mientras cu e empleadonan a bay paden, dos persona a bay den e truck y a horta un tablet marca Samsung. Ta un material di trabou cu e compania di entrega ta uza den cuadro di eficiencia di trabou.

Polis a presenta mesora pa tuma e keho y asina por persigui e ladronnan di e tablet for di e truck di carga. Un investigacion na e sitio a saca afor cu e material visual di e grabacion di video tabata di masha mal calidad, pues dificil pa mira bon ken a ladronnan ta. Asina mes a invita e trahadonan di e compania pa pasa Ward’i Polis pa entrega un keho oficial.