Ladron a bay cu bebida y cuminda di kiosko

1309

Dialuna mainta a drenta informe di un caso di kiebro y ladronicia na un kiosko di bende cuminda pazuid di DIMAS.

Riba e strip ey tin diferente di e kioskonan aki, pero esun cu a bira victima di delincuentenan ta esun cu yama “Sabor Latino”. Na momento cu e doño a yega mainta, el a constata cu e bishitantenan indesea a drenta su negoshi.

E persona en cuestion a corta e candal pa despues forsa e porta. Na prome bista caba e doño a ripara cu a bay cu varios cos di come y bebe. Pero e mester haci un inventario pa mira kico exactamente nan a bay cun’e y entrega esaki na Polis.

Ta tristo pasobra e kioskonan aki ta comerciantenan chikito cu ta lucha diariamente pa nan entrada. Probablemente e cos aki ta asunto di adictonan ambulante y nan lo no por cubri e gasto di e daño causa, ni si Corte esaki riba nan.