“Nos ta bay tin e Fundraising Thanksgiving Brunch aki cu ta bay tuma luga diadomingo awor cu ta dia 20 di November. E ta bay ta di 11’or pa 2’or di atardi. E ta $59 pa persona. E ta inclui unlimited mimosas y dimes All You Can Eat. E ta bay completamente na e fundacion Ban Uni Man pa Cria nos Muchanan,” asina Noémi Tromp, ehecutivo di mercadeo di Marriott a informa.
E gesto di Marriott ta en conexion cu e dia di accion di gracia y dia nacional e internacional di derecho di mucha. E ta un oportunidad excelente, no solamente pa Aruba Marriott, pero pa e pueblo di Aruba por duna bek na comunidad, mientras ta disfruta di un brunch.
E brunch ta consisti di diferente stations, por ehempel e breakfast station, e omelet station, e carving station, e raw bar cu diferente mossels, cabaron y sigur tambe e sushi y sashimi, sin laga afo locual ta e pasta station y pizza oven caminda por scoge diferente pizza. Fuera di esey lo tin gelato y desserts.
Tur esaki y mas por disfruta diadomingo awo. Come dushi cu unlimited mimosas. Pa haci reservación mester yama La Vista. E number directo ta 520-6312. Yama lo mas pronto posible pa sigura e reservación. Ta spera di por conta cu presencia y donacion pa yuda e Fundacion Ban Duna Un Man Pa Cria Nos Muchanan. Tambe por manda un mensahe via Facebook y lo atende asina.
