La Salle College ta informa cu nan ta bay yama nan prome nochi di informacion pa mayornan pero di un forma diferente cu ta e custumber.
Na prome luga nan ta desea tur nan alumnonan un biaha mas un bon comienso di aña escolar 2020-2021. E aña’ki tin retonan grandi y hunto cu mayor lo surpasa esakinan. Na alumnonan cu kebrante di salud ta desea nan pronto recuperacion.
Mirando e situacion di COVID-19, e anochi informativo pa mayor/voogd lo ta den un otro forma. La Salle College lo tene su anochi informativo pa tur klas via e plataforma di Google Meet riba diahuebs 24 di september 2020.
Detayenan di e orario e mayornan lo ricibi via di email di e alumnonan. Mayor lo haya e link di e Google Meet den e Google Classroom di su yiu. Esaki nifica cu e mayor mester uza email di e alumno di La Salle College.
Mayornan lo ricibi via mail di e alumno e buki di informacion 2020-2021. Asina tur mayor por prepara pa e anochi. Pa cualkier pregunta mayor por tuma contacto cu e mentor.
