La Salle College: Alumno cera no a bringa na scol

La Salle College Mavo ta lamenta cu alumnonan di nos scol ta involucra den casonan policial, asina un comunicado di e scol ta indica. La Salle College ta clarifica cu e incidente di pelea pa cual un studiante di nos scol a wordo deteni pa Polis no a tuma lugar na La Salle College ni den cercania di scol contrario na locual cu nos a publica mas prome. Tampoco e la sosode durante orario di scol. E incidente a tuma luga den weekend, anochi laat den cercania di Palm Beach Plaza.

Como scol nos ta lamenta cu e hecho aki a tuma luga. Tambe nos ta clarifica cu nos como scol a trata e caso aki cu e atencion y seriedad debido. Na momento di trata e caso aki nos a sigui e stipulacionnan di nos reglanan di scol y protocolnan di cuido.

Ta importante pa acentua e hecho cu cada mayor tin e derecho pa haci denuncia y nos como scol no tin ningun influencia riba proceduranan di autoridad. Mirando cu nos ta den e ultimo simannan di aña escolar 2018 -2019, ta pidi tur alumno di La Salle College pa haci nan best pa termina e aña escolar aki exitosamente.

E directorado y team di docente di La Salle College ta traha duro pa forma alumnonan cu lo contribui positivamente na nos comunidad. Nos ta kere semper di traha hunto.Ta tarea di nos tur como un comunidad civilisa pa lanta y guia nos muchanan.

Comments

comments