Awe a yega e decision di Corte cu a dicidi pa kita e herment di surseance van betaling cu a duna nan na februari y declara nan den bancarota.
Dia 11 di december ultimo tabatin un reunion entre e bewindvoerder y e grupo di hende of instancianan cu La Linda debe. Eyden a presenta un acuerdo, pero ley ta bisa cu 2/3 parti di e grupo aki mester bay di acuerdo cu e proposicionnan di pago. Pero a resulta cu no a haya e cantidad di personanan aki pa bay di acuerdo cu e proposicion.
Analisando henter e situacion, Corte a haya na su luga pa anula e proteccion di surseance van betaling y na mesun momento declara La Linda den bancarota.
Hues a bisa cu a base di informacion ricibi for di e bwindervoerder, no ta mira cu e situacion lo cambia a corto plaso pa tur e debenan cu La Linda a admiti cu nan mester paga. Y e entradanan cu nan tin no ta suficiente pa cubri tur cos.
A nombra como curator e mesun persona cu tabata bewindvoerder, esta mr. Rep.