Kiwanis Club of Young Professionals Aruba (KYPA) a organisa e di dies edicion di Christmas in a box na Ling & Sons. Pa contribui na e proyecto aki ta facil, pasobra por cumpra na Ling & Sons y entrega producto cerca nan.
Tambe tin un otro manera cu ta efectivo, esta un money box, pero tambe por swipe. Na salida di Ling & Sons tin personanan di KYPA y aki por haci donacion cerca nan, por haci transferencia bancaria pa nan cuenta bancario.
Cada donacion cu ciudadanonan di Aruba haci ta bay bek den comunidad pa famianan cu menos recurso. E meta di e aña aki ta 60 basket, pero si por yega mas cu esey tambe nan lo ta satisfecho. Maurits Ras di KYPA a bisa cu nan ta dispuesto pa bay mas cu 60 basket.
Awe tabata e prome dia di donacion y a cuminsa desde 9:00AM, pero ya caba tabatin tres mesa casi yen. Awe nan lo ta eynan te cu 4:00PM, pero diadomingo un biaha mas nan lo t’ey na Ling & Sons di 9:00AM-4:00PM. Mas producto nan ricibi, mas basket nan por traha. Tambe esnan cu kier trece productonan cu no ta expire, por pasa haci drive tru y tin hende cu por tuma nan. Pa mas informacion por sigui Kiwanis Club of Young Professionals Aruba su pagina di Facebook of si kier haci un donacion y kier pa nan pasa busc’e, por yama na 736-2628.
