KvK ta preocupa cu minister no a extende fecha pa entrega zienswijze di ROP

RBC Mortgage Prequal Campaign 2019
Ana Gabriel cu Fun Miles
Arubadag Adzone 1
Hyundai Creta

E hecho cu awe, diabierna, 15 di Maart ta ultimo dia pa entrega e zienswijze di ROP, tin varios persona indigna, entre otro Camara di Comercio. Hecho ta cu varios hende no tabata sa mes cu awe ta e ultimo dia pa entrega esaki y peticion a bay caba pa minister pa extende esaki pa nan por traha riba e zienswijze.

Arubadag Adzone 4
Colonel’s Catch Special
Red Fish Lunch Special Feb 2019
Bende Bo Cas
Ta Huur Apartamento
PPG Mildew
Banner Rav 4
MotorWorld JAc

Presidente di Camara di Comercio, Kawish Misier a haci entrega di zienswijze di ROP (Ruimtelijke Ontwikkelings Plan) na DIP den careda di 12’or y mey di merdia.

E ta conta cu ROP ta e backbone di Aruba, unda cu ta para kico tur mag haci na ki luga na Aruba, unda mag di bin cu negoshi, unda mag bin cu hotel, unda ta un zona economico, unda ta natuurgebied, etc.

E LRO ta stipula cu despues di e inzage, tin 30 dia pa pueblo entrega e zienswijze cual awe ta ultimo dia pa entrega esaki. Camara di Comercia a haci uzo di e derecho pa entrega e zienswijze.

E siman aki, nan a haci un townhallmeeting, unda cu mas di 100 persona tabata tey. Unanimente nan a bisa cu nan kier un extension di e periodo di 30 dia, pasobra nan no tabata na altura cu awe tabata e ultimo dia pa entrega e zienswijze.

Townhall Meeting

E zienswijze cu Camara di Comercio a entrega, ta a base di e feedback cu a haci cu diferente interview cu e miembronan di board, y alabes kier a wak kico ta reina cerca pueblo y e comerciante. A pensa cu por ta 10 hende lo a bin. A pensa cu e comerciante lo ta na altura y no tin mester di zienswijze. Door cu nan no ta conciente, tabata tin mas cu 100 hende presente y tur a haci e pregunta. E townhall meeting tabata hopi bon y Camara di Comercio ta contento cu e feedback. A haci e pueblo conciente cu awe ta e ultimo dia cu nan tin cu entrega e zienswijze.

Preocupacion

Segun Misier, hende a puntra dicon den Palm Beach por ehempel mag di bin cu mas condominium. Nan a puntra dicon un parti chikito di lama ta e Marine Park. Tin cu bin cu un sistema cu ta concientisa e ciudadanonan di e mangrove, di e piscanan y con pa trata nan.

Otro punto ta Natuurgebied, proyectonan cu a wordo entrega. A puntra cu den e ley ta bisa cu minister mag di haci excepcion, pero no tin criteria. Ken ta haya excepcion y ken no. A base di kico ta duna excepcion.

Tambe un punto hopi mas importante, e ROP di 2009, cuanto excepcion a wordo duna, kico tabata e motibonan y a base di e datonan di 2009 te cu awo, mester tin dato pa por mehora e documento nobo. Esey tambe KvK kier wak.

Minister

Misier a comenta cu nan a haya contesta di e minister despues di e Townhall Meeting. E mandatario encarga a splica cu e 30 dianan ta fiho y e ta para den e LRO y no por extende e fecha asina lihe. Awo ta hopi dificil pa esnan cu kier a entrega nan zienswijze no por a haci esaki, mirando cu DIP a cera 1’or y mey na luga di 4’or.

Comments

comments

Island Finance – Home improvement
UA Open House 2019