Con ta atende cu datanan grandi, ta un tema cu a keda trata den un tayer organisa door di Camara di Comercio pa companianan local.
E tayer a hiba como titulo “Hands-on with Big Data” duna door di Ananda Mitra, kende ta un orador rina Management Learning Laboratories.
E tema tabata con companianan por atende cu e volumen grandi di informacion cu ta pasa via di nan website. A siña e participantenan con pa saca informacion di e datanan aki uzando cierta herment y teorianan. Y uza e resultado aki den un forma productivo pa e compania.
Pa Aruba, e ta hopi importante ya cu por uza e comentarionan cu nan ta duna pa mira kico e hendenan gusta y kico no; cual ta e storia di nan experencia na Aruba. Uza e informacion aki pa organisacionnan manera KVK, ATIA, y crea aspectonan cu ta trece e hendenan aki bek na Aruba. Enbes di tuma decisionnan basa riba instinto, lo por haci esaki basa riba informacion colecta di e mesun hendenan.
Participantenan a sali satisfecho pasobra e ta diferente di loke a scucha aña mas. E biaha aki e charla tabata mas profundo y con pa conecta informacion cu otro. Pa companianan den turismo, e charla sigur tabata uno hopi interesante pa crea strategia den promocion di nan propiedad, evento of actividadnan.
