Den oranan di marduga e patruyero di Kustwacht riba lama ta bolbe coy boto. A mira un contacto y a sali mesora den direccion di e boto sospechoso direccion Aruba di pazuid. E direccion cu e tabata bayendo no tabata un waf legal. Kier a bay den direccion di un area conoci cu ta baha hende cu ta drenta den forma clandestino. Ora e Metal Shark a sorpresa e boto tabata tin 7 hende abordo.
Tur ta Venezolano. Cu e seguridad necesario a paralisa tur hende abordo di e boto tipo peñero color blauw cu un motor di 75 Horsepower. Despues cu tur cos tabata bou di control a trece e boto aden y asina cuminsa e proceso di investigacion. E capitan a keda deteni y polis tambe a ser avisa. E boto ta confisca pendiente investigacion.
Trabounan ta sigui den forma intensivo unda Kustwacht ta traha hunto cu Polis y Douane pa garantiza cu nos fronteranan ta protehi.
Ultimo tempo tin mas intento di pazuid pa yega Aruba pero danki na e Bon Trabou di Kustwacht ta impedi tur e intentonan ilegal aki.
