Si e cantidad di refugiadonan Venezolano den direccion pa Corsou, Aruba y Boneiro aumenta drasticamente, Kustwacht lo no por maneha nan. Esey ta loke e general di brigada di marina, Peter Jan de Vin a reconoce den un asina yama “technische briefing” na e comision den Parlamento Hulandes di Relacionnan den Reino. “Si e cantidad ta masivo, nos no ta prepara pa esey,” de Vin a bisa, kende a añadi cu tambe por haci “un solicitud di ayudo” na e Ministerio di defensa.
E no kier a papia riba e tamaño di e fluho di refugiadonan. “E cantidad ta dificil di menciona, e ta principalmente un sensacion visceral.” De Vin a informa den un simplificacion di e procedimentonan ora cu a solicita asistencia militar duro, por ehempel mediante investigacionnan criminal den un di e paisnan di Caribe. Te cu poco tempo pasa, esaki tabata sosode a lo largo di un cantidad di investigacion cu a involucra e gobernador y e minister, pero awo tin e mandato di responde di manera independiente. Di parti di Corsou y Aruba, tambe ta considera pa haci e procedimento pa solicita asistencia mas facil y eficiente.
De Vin no a elabora riba e naturalesa politico. Por ehempel, el a responde na e pregunta si e presupuesto di 50 miyon di Euro ta suficiente pa por ehecuta tur e tareanan. Den forma diplomatico el a contesta: “nos ta haci nos miho esfuerso cu e persona y e recursonan cu nos tin, pero si bo tin un toverstok mi tin un lista di deseo.” Pa awo, tur cos ta reduci na e improvisacion. Por ehempel, no tin un presupuesto pa un radar pa e costa di Isla Riba. Awo ta logrando mediante e instalacion di sistemanan di radar mobil den e contexto di (imponi pa Hulanda) e aumento di control na frontera di Sint Maarten.
